Државите од Западен Балкан имаат иднина само како мултиетнички и мултиверски општества, нагласува германскиот државен министер за Европа, по наводниот нон-пејпер на Јанша
Цртање нови граници на Западен Балкан е опасен пат, напиша денеска на Твитер германскиот државен секретар за Европа, Михаел Рот.
„Државите од Западен Балкан имаат иднина само како мултиетнички и мултиверски општества. Регионалното помирување и соработката се клучни за мирот, демократијата и просперитетот. Цртање нови граници е опасен пат“,
напиша Рот.
Countries on #WesternBalkans have a future only as multiethnic and multireligious societies. Regional reconciliation and cooperation are the keys for peace, democracy and prosperity. Drawing new frontiers is a dangerous path. ???? ?? ?? ?? ?? ????
— Michael Roth MdB ?? (@MiRo_SPD) April 16, 2021
Тој со твитот, практично, го поддржа официјалниот став на Европската Унија за Западен Балкан дека треба да се работи на регионално помирување и соработка, а не на менување граници.
Рот, исто така, реагира на наводниот неофицијален нон-пејпер на Јанез Јанша, премиерот на Словенија, која е следна земја претседавач со ЕУ, за прекројување на границите на Западен Балкан.