Мета: Силно се трудиме Албанија и С Македонија што побргу ги одржат првите меѓувладини конференции

Албанскиот претседател е во работна посета на земјава на покана од Институтот за духовно и културно наследство на Албанците во Скопје

Не сакаме и не работиме за одвојување на Северна Македонија од Албанија на патот кон ЕУ. Работиме и силно се трудиме за двете земји што побрзо ги одржат првите меѓувладини конференции и тоа е една од причините за мојата посета, изјави претседателот на Република Албанија, Илир Мета, кој е во посета на Република Северна Македонија.

Прашан за одвојувањето на Албанија од Северна Македонија, Мета рече дека за ова многу важно прашање за двете земји разговарал и со претседателот Стево Пендаровски.

„Имавме многу добро разбирање и ќе ги интензивираме нашите напори. Ќе бидеме трпеливи и ќе работиме поблиску и посилно“,

изјави Мета.

Мета претходно денеска беше примен од претседателот Стево Пендаровски, а треба има средба и со претседателот на Собранието Талат Џафери.

Средба Пендаровски – Мета: Неопходна е деблокада и побрз почеток на преговорите на двете земји за влез во ЕУ

Албанскиот претседател е во работна посета на земјава на покана од Институтот за духовно и културно наследство на Албанците во Скопје, каде што треба да одржи предавање на тема „Албанците во новиот милениум – предизвици и перспективи“.