Началникот на Генералштабот на руската армија, Велери Герасимов, претходно денеска рече дека руските сили спроведуваат континуирана офанзива речиси по целата линија на фронтот во Украина
Германскиот канцелар Фридрих Мерц смета дека Русија ќе ја запре војната со Украина само кога веќе нема да биде во можност да ја води од економски и воени причини.
„Сите напори во последните недели беа пречекани со уште поагресивен пристап од страна на режимот во Москва кон населението на Украина“,
изјави Мерц на регионалниот состанок на неговата Христијанско-демократска унија во германската сојузна покраина Северна Рајна-Вестфалија.
Началникот на Генералштабот на руската армија, Велери Герасимов, претходно денеска рече дека руските сили спроведуваат континуирана офанзива речиси по целата линија на фронтот во Украина и дека имаат „стратешка иницијатива“.
Русија, исто така, од летово ги засили воздушните напади врз украинските градови и места далеку од линијата на фронтот.