Според изречените мерки на претпазливост, осомничениот има забрана за напуштање на живеалиштето, обврска да се јавува повремено на одредено службено лице, привремено му е одземена патната или друга исправа за преминување на државна граница и забрана за приближување или одржување контакти со оштетената
Мерки на претпазливост му се изречени на маж што ѝ се заканувал и се обидел да ја повреди сопругата пред двете малолетни деца, соопшти Основното јавно обвинителство од Скопје. Против него е поведена постапка за кривичното дело насилство и загрозување на сигурноста.
„Осомничениот на 5 мај ја загрозил сигурноста на својата сопруга, така што при вербална расправија пред нивните две малолетни деца почнал да ѝ се заканува, по што зел вазна која ја фрлил кон неа. Жената не била повредена, но исплашена за својата безбедност ги зела децата и заминала кај нејзината мајка. Два дена подоцна, осомничениот со возило го пресретнал автомобилот во кој била жената и уште едно лице, започнал да ги навредува и да им се заканува, а потоа со нога, тупаници и предмети удирал повеќе пати во возилото. Со овие насилнички дејствија предизвикал чувство на несигурност и страв кај оштетените“,
соопшти Обвинителството.
Според изречените мерки на претпазливост, осомничениот има забрана за напуштање на живеалиштето, обврска да се јавува повремено на одредено службено лице, привремено му е одземена патната или друга исправа за преминување на државна граница и забрана за приближување или одржување контакти со оштетената.