Германската канцеларка истакна дека пандемијата покажала „колку е кревок европскиот проект“ и повика на поголема соработка во управувањето со кризи
Германската канцеларка Ангела Меркел ги претстави пред Бундестагот нејзините планови за претседателството со Советот на ЕУ, што ќе трае шест месеци, почнувајќи од 1 јули.
Бундестагот сè уште нема добиено официјална програма, која ќе ја подготви Владата в среда на 24 јуни, една недела пред Германија да го преземе претседателството.
Пратеникот на Зелените, Франциска Брантнер напиша на Твитер дека тоа е „навредливо за Бундестагот и Европа“.
Во својот говор, Меркел истакна дека пандемијата на ковид-19 покажала „колку е кревок европскиот проект“. Таа повика на поголема соработка во управувањето со кризи.
„Првичните рефлекси, вклучувајќи ги и нашите, беа повеќе национални отколку европски“,
истакна германската канцеларка.
Ова ќе биде второ претседателство на Меркел со ЕУ. Првото беше во 2007 година. Тогаш Берлин се соочи со уставна криза. Веќе потпишан од лидерите на земјите членки, Уставот на ЕУ беше блокиран по референдумите во Франција и Холандија.
Во врска со утрешниот состанок на Советот, Меркел изјави дека не може да се очекува договор за буџетот на ЕУ или за закрепнување на фондот. Тоа е само „прва размена на визии“ како основа за договор на подоцнежна лична средба.
Меркел, исто така, се осврна и на заштитата на климата, дигитализацијата и европскиот суверенитет, како големи предизвици со кои ќе се соочи германското претседателство. Таа ја потврди својата заложба да работи за европски закон за заштина на климата.