Мелони додава дека телефонски разговарала со претседателите на Украина, Володимир Зеленски, Франција, Емануел Макрон и Финска, Александар Стуб, германскиот канцелар Фридрих Мерц, британскиот премиер Кир Стармер и претседателката на Европската комисија, Урсула фон дер Лајен и се согласиле да одржуваат тесна координација меѓу партнерите во подготовка за нова рунда преговори
Премиерката на Италија, Џорџа Мелони, изјави дека поглаварот на Римокатоличката црква, папата Лав XIV, во телефонски разговор ѝ ја потврдил подготвеноста на Ватикан да биде домаќин на мировни преговори меѓу Русија и Украина.
„Разговорот со папата следуваше по вчерашниот телефонски разговор со американскиот претседател Доналд Трамп и други европски лидери, за време на кој бев замолена да ја потврдам подготвеноста на Светата Столица да биде домаќин на преговорите“,
напиша Мелони на нејзиниот профил на Икс.
Ho avuto oggi una conversazione telefonica con il Santo Padre sui prossimi passi da compiere per costruire una pace giusta e duratura in Ucraina.
— Giorgia Meloni (@GiorgiaMeloni) May 20, 2025
Il colloquio fa seguito alla telefonata di ieri con il Presidente Trump e con altri leader europei, nel corso della quale mi è stato…
Мелони додава дека телефонски разговарала со претседателите на Украина, Володимир Зеленски, Франција, Емануел Макрон и Финска, Александар Стуб, германскиот канцелар Фридрих Мерц, британскиот премиер Кир Стармер и претседателката на Европската комисија, Урсула фон дер Лајен.
„Се согласивме да одржуваме тесна координација меѓу партнерите во подготовка за нова рунда преговори насочени кон прекин на огнот и мировен договор во Украина“,
вели Мелони.
Според неа, било позитивно оценето дека Ватикан ќе биде домаќин на преговорите за прекин на руската војна во Украина.
„Бидејќи Папата изрази подготвеност да биде домаќин на следните разговори меѓу двете страни во Ватикан, му се заблагодарив за неговата отвореност и непрестајна посветеност на мирот“,
додава Мелони во објавата.
Претходно вчера украинскиот претседател Володимир Зеленски на Икс објави дека разговарал со италијанската премиерка Мелони и вели дека таа, како и секогаш, имала интересни идеи.
„Ги координираме нашите ставови. Италија ги поддржува сите напори насочени кон постигнување вистински мир. Се согласивме да останеме во контакт во врска со нашите следни чекори. Разговаравме и за можни платформи за разговори со Русите. Потребно е прекин на огнот за да се спасат животи. Потребна е искрена дипломатија. Украина е подготвена и од суштинско значење е да се обезбеди дека Русија е подготвена навистина да ја заврши војната“,
пишува Зеленски.
I had a good conversation with the President of the Council of Ministers of Italy @GiorgiaMeloni. As always, cool ideas.
— Volodymyr Zelenskyy / Володимир Зеленський (@ZelenskyyUa) May 20, 2025
We discussed yesterday’s talks with President Trump and European leaders. We are coordinating our positions. Italy supports all efforts aimed at achieving a… pic.twitter.com/YdEl26IZ3g
Во неделата, новоизбраниот папа Лав Четиринаесетти рече дека планира да понуди Ватикан да биде домаќин на преговори на високо ниво меѓу Украина и Русија, откако првите директни преговори од 2022 година се разводнија поради тоа што рускиот претседател Владимир Путин одби да се сретне очи в очи со својот украински колега Зеленски.
Според изјавата на кардиналот Пјетро Паролин, папата е подготвен, доколку е потребно, да ја стави Светата Столица на располагање за да ги прими двете страни во обид да се стави крај на војната.
„Светата Столица е достапна за непријателите да можат да се сретнат и да се погледнат во очи, за луѓето да можат повторно да ја откријат надежта и достоинството што им припаѓаат, достоинството на мирот“,
рекол Лав XIV.