Си-ен-ен јави претходно дека досегашната прва дама на САД, според доброинформиран извор, му кажала на сопругот дека треба да го прифати изборниот пораз
Меланија Трамп, досегашната прва дама на САД, го повтори денеска ставот на својот сопруг Доналд Трамп за пребројување на гласовите од изборите за нов американски претседател.
Откако вчера стана извесно дека Трамп ги изгуби изборите од демократскиот кандидат Џо Бајден, Меланија Трамп, преку Твитер го презентира својот став за изборниот резултат.
“Американскиот народ заслужува фер избори. Секој легитимен глас, а не нелегален, треба да се смета. Ние мора да ја заштитиме нашата демократија со целосна транспарентност”,
напиша таа на Твитер.
The American people deserve fair elections. Every legal – not illegal – vote should be counted. We must protect our democracy with complete transparency.
— Melania Trump (@FLOTUS) November 8, 2020
Си-Ен-Ен, претходно, повикувајќи се на неименуван и добро информиран извор, јави дека таа приватно му кажала на сопругот дека треба да го прифати поразот.