Во објава на својот профил на Икс, заменик-претседателот на Советот за безбедност на Русија рече дека Трамп ја игра „играта на ултиматум“ со Москва и дека таков пристап би можел да доведе до војна во која би биле вклучени и САД
Сојузникот на рускиот претседател Владимир Путин и актуелен заменик-претседател на Советот за безбедност на Руската Федерација, Дмитриј Медведев, реагираше на изјавата на претседателот на САД со која тој најави намалување на рокот за прекин на војната во Украина што ѝ го даде на официјална Москва од 50 на 10-12 дена.
Во објава на својот профил на Икс, Медведев рече дека Трамп ја игра „играта на ултиматум“ со Русија и дека таков пристап би можел да доведе до војна во која би биле вклучени и САД.
„Трамп ја игра играта на ултиматум со Русија – 50 дена или 10 дена. Треба да запомни две работи – дека Русија не е Израел, па дури ни Иран и дека секој нов ултиматум е закана и чекор кон војна. Не меѓу Русија и Украина, туку со неговата сопствена земја“,
пишува Медведев во објавата на Икс.
Trump's playing the ultimatum game with Russia: 50 days or 10… He should remember 2 things:
— Dmitry Medvedev (@MedvedevRussiaE) July 28, 2025
1. Russia isn't Israel or even Iran.
2. Each new ultimatum is a threat and a step towards war. Not between Russia and Ukraine, but with his own country. Don't go down the Sleepy Joe road!
Претходно денеска, Трамп изјави дека ќе го скрати рокот за прекин на огнот во Украина што му го даде на рускиот претседател Владимир Путин од првично најавените 50 дена на 10 до 12 дена. Велејќи дека е многу разорачан од Путин, американскиот претседател рече дека не мора да чека до крајот на првичниот рок од 50 дена бидејќи досега нема никаков напредок.