Здравствената работничка, на возраст од 28 години, со тешка клиничка слика била пренесена на скопските клиники, каде што починала
Медицинска сестра вработена во кичевската Општа болница, на возраст од 28 години, почина од компликации од ковид – 19.
Како што пренесува МИА, таа со тешка клиничка слика, пред три дена, била префрлена на скопските клиники, каде што и починала. Била вработена во матичната служба, потврдија од Општата болница во Кичево, од каде што информираа дека сестрата не била вакцинирана против ковид – 19.
Ова е трет случај на починат од ковид -19 за краток период во овој град, откако претходно починаа двајца постари жители на градот, на возраст од 72 и 74 години.
Во трите случаи пациентите починале во болниците во главниот град, потврдија од кичевската болница.