Од здобиените повреди детето починало во болница во Загреб
Четириесет и едногодишен маж доцна синоќа во Загреб на патот Козара со секира нападнал жена (41) и дете (1,5), побегнал и се фрлил под автомобил.
Од здобиените повреди детето починало во болница во Загреб.
Напаѓачот побегнал и завршил на обиколницата каде што на него налетало возило и го усмртило на самото место. Од загребското јавно обвинителство за подоцна најавија детали за случајот бидејќи во тек е полициска истрага за утврдување на сите околности на овој напад, пренесува „Индекс“.
Како што неофицијално дознава „Јутарњи“, синоќа околу 20:30 часот дошло до семејна расправија. Г.П. дошол во куќата во која живеела неговата поранешна 41-годишна партнерка со детето. Избила жестока расправија при што мажот со остар предмет ги нападнал жената и едно и полгодишното девојче.