Планинскиот релјеф и недостигот од патишта го отежнуваат пристапот до сервисирање основни потреби како храна, хигиенски средства и електрична енергија во погодените подрачја
Три тела се извлечени од одрон на земја во Папуа Нова Гвинеја, но властите очекуваат бројката на загинати да се зголеми значително откако природна катастрофа го погоди селото Каокалам. Оштетениот терен е голем колку четири фудбалски игралишта.
Се верува дека повеќе од 100 луѓе загинале по масивните одрони, а речиси 4 000 луѓе се погодени од катастрофата.
Според локалните власти, преку 60 куќи биле уништени, а сите што живееле во нив засега се водат како исчезнати.
„Децата се одделени од нивните мајки и татковци. Роднините се обидуваат да ги пронајдат своите блиски. Ништо не помага во моментов бидејќи луѓето се во шок“,
ја опишува ситуацијата на терен, Серхан Актопрак, шеф на меѓународната миграциона организација.
Стотици племиња се раширени низ оддалечените и непристапни терени во Папуа Нова Гвинеја. Планинскиот релјеф и недостиг од патишта го отежнуваат пристапот до сервисирање основни потреби како храна, хигиенски средства и електрична енергија во погодените подрачја.