Маск во објавата вели дека комбинираната компанија ќе им испорача попаметни, позначајни искуства на милијарди луѓе, а ќе остане доследна на основна мисија за барање вистина и унапредување на знаењето
Технолошкиот магнат Илон Маск објави дека ја продал социјална платформа Икс на својата компанија за вештачка интелигенција „Икс еј-ај“ (xAI).
Маск на својот профил на Икс напиша дека договорот за сите акции е во вредност од 45 милијарди долари, вклучително и долгот од 12 милијарди долари.
Според договорот, „Икс еј-ај“ се проценува на 80 милијарди долари, додека Икс на 33 милијарди долари.
„Иднината на ‘Икс еј-ај’ и Икс е испреплетена. Денес, официјално, преземаме чекор да ги комбинираме податоците, моделите, пресметките, дистрибуцијата и талентот. Оваа комбинација ќе овозможи огромен потенцијал со спојување на напредната способност и експертиза за вештачка интелигенција на ‘Икс еј-ај’ со огромниот дострел на Икс“,
пишува Маск на Икс.
@xAI has acquired @X in an all-stock transaction. The combination values xAI at $80 billion and X at $33 billion ($45B less $12B debt).
— Elon Musk (@elonmusk) March 28, 2025
Since its founding two years ago, xAI has rapidly become one of the leading AI labs in the world, building models and data centers at…
Маск во објавата вели дека комбинираната компанија ќе испорача попаметни, позначајни искуства на милијарди луѓе, а ќе остане доследна на основна мисија за барање вистина и унапредување на знаењето.
„Ова ќе ни овозможи да изградиме платформа која не само што го одразува светот, туку активно го забрзува човечкиот напредок“,
додава тој.
Маск во октомври 2022 година го купи Твитер за околу 44 милијарди долари и ја преименува платформата во Икс.
Меѓу компаниите кои се дел од високотехнолошката империјата на Маск е и компанијата за мозочни импланти „Неуралинк“ (Neuralink).