Нобеловата награда за мир за 2021 година ја добија Марија Реса и Дмитриј Муратов за нивните напори да ја заштитат слободата на изразување, што е предуслов за демократија и траен мир, соопшти Нобеловиот комитет
Новинарите Марија Реса и Дмитриј Муратов се добитниците на годинашната Нобелова награда за мир. Реса е новинар и писател од Филипините, додека Мурат е главен и одговорен уредник на рускиот весник „Новаja газета“.
BREAKING NEWS:
— The Nobel Prize (@NobelPrize) October 8, 2021
The Norwegian Nobel Committee has decided to award the 2021 Nobel Peace Prize to Maria Ressa and Dmitry Muratov for their efforts to safeguard freedom of expression, which is a precondition for democracy and lasting peace.#NobelPrize #NobelPeacePrize pic.twitter.com/KHeGG9YOTT
Оваа година за Нобеловата награда за мир беа предложени 234 лица, меѓу кои и рускиот опозиционер Алексеј Навални, климатската активистка Грета Тунберг и белоруската опозиционерка Светлана Тихановска. На списокот беа и 95 организации – „Животите на црнците се важни“, Светската здравствена организација, НАТО и „Репортери без граници“.
Бројот на номинирани оваа година е трет по големина од 1901 година. Претходниот рекорд од 376 кандидати беше поставен во 2016 година. Минатата година, Светската програма за храна на ОН ја доби Нобеловата награда за мир за напорите да се спречи употребата на гладот како оружје за војна и конфликти.
Нобеловата награда за мир е единствената што се објавува во Осло, а не во Стокхолм.