Тврдењето на Макрон претставува прв показател за исходот од разговорите меѓу Трамп, европските лидери и украинскиот претседател Володимир Зеленски, со цел обликување на состанокот на Трамп со рускиот претседател Владимир Путин што ќе се одржи в петок во Алјаска
претседател Доналд Трамп изјави дека Украина мора да биде вклучена во разговорите за територијата како дел од секој договор за прекин на огнот со Русија, изјави францускиот претседател Емануел Макрон.
Тврдењето на Макрон претставува прв показател за исходот од разговорите меѓу Трамп, европските лидери и украинскиот претседател Володимир Зеленски, со цел обликување на состанокот на Трамп со рускиот претседател Владимир Путин што ќе се одржи в петок во Алјаска.
Инсистирањето на Трамп за вклучување на Украина, доколку се потврди, би можело да значи одредено олеснување за Украина и нејзините сојузници кои стравуваа дека Трамп и Путин би можеле да постигнат договор на сметка на европските и украинските безбедносни интереси и дека тоа би ја поделило украинската територија.
Трамп и Путин ќе се сретнат в петок во Алјаска за да разговараат за тоа како да се стави крај на три и полгодишниот конфликт, најлошиот во Европа од Втората светска војна.
Трамп претходно изјави дека двете страни ќе мора да се согласат на некаков вид територијална размена за да се стави крај на војната во која загинаа десетици илјади лица и беа раселени милиони.
Зеленски денеска пристигна во Берлин на виртуелни средби со европските лидери, а потоа и со Трамп, чиј домаќин беше Германија. Европејците стравуваат дека размената на територии би можела да ѝ даде на Русија речиси една петтина од Украина и да го охрабри Путин во иднина да се прошири кон запад.