Американското министерство за одбрана потврди дека Иран денеска истрелал повеќе балистички ракети со краток и среден дострел кон воздухопловната база „Ал Удеид“ во Катар
Францускиот претседател Емануел Макрон повика на враќање на преговорите откако денеска Иран изврши ракетни напади врз американска воена база во Катар.
„Спиралата на хаосот мора да се прекине“,
напиша Макрон на социјалната мрежа Икс.
J’exprime la solidarité de la France au Qatar frappé par l’Iran sur son sol.
— Emmanuel Macron (@EmmanuelMacron) June 23, 2025
Je suis en contact étroit avec les autorités du pays et nos partenaires de la région.
J’appelle toutes les parties à la plus grande retenue, à la désescalade et au retour à la table des négociations.…
Повика сите страни да покажат максимална воздржаност, да ја деескалираат ситуацијата и да се вратат на преговарачката маса.
Францускиот министер за надворешни работи Жан-Ноел Баро рече дека со денешните ракетни напади врз база во Катар, Иран носи голема одговорност, но може да предизвика и опасна ескалација на состојбите во регионот.
Американското министерство за одбрана потврди дека Иран денеска истрелал повеќе балистички ракети со краток и среден дострел кон воздухопловната база „Ал Удеид“ во Катар.
„Во овој момент нема извештаи за жртви од страна на САД“,
се наведува во соопштението од Пентагон, додавајќи дека внимателно ја следат ситуацијата.
Катар претходно соопшти дека неговата воздушна одбрана успешно ги пресретнала иранските ракети.