Тој најави дека повторно ќе разговара со рускиот претседател Владимир Путин во следните 48 часа
Европа мора да се подготви за секое сценарио за испорака на руски гас, изјави францускиот претседател Емануел Макрон.
Тој рече дека треба да се направи сè што е можно за да се најде дипломатско решение за ситуацијата во Украина, но изрази сомнеж дека во наредните денови ќе се постигне политичко решение.
Макрон, исто така, оцени дека во ситуација на конфликт е можно да се спроведе процедура за разгледување на членство на Украина во ЕУ.
Тој уште најави дека повторно ќе разговара со рускиот претседател Владимир Путин во следните 48 часа.
„Руското бомбардирање на породилиштето во опколениот украински град Мариупол е срамен воен чин“,
рече францускиот претседател.
Франција го осудува нападот најкатегорично можно, изјави Макрон пред новинарите додека лидерите на ЕУ се собраа во близина на Париз за да разговараат за нивниот одговор на конфликтот, велејќи дека „јасната цел беше да се убијат цивили, особено жени и деца“.