Францускиот новинар Таха Бухавс кој на социјалните мрежи им откри на демонстраните каде се наоѓа претседателот Емануел Макрон во петокот вечерта по што тој беше евакуиран, е уапсен.
Бухавс на социјалните мрежи објави дека Макрон и сопругата во петокот вечерта биле на претстава во парискиот театар Буф ду Норд, на која и тој самиот присуствувал, по што демонстраните се обидоа насилно да влезат во театарот. Макрон и сопругата беа евакуирани.
„Се наоѓам во театарот Буф ду Норд. Три реда зад претседателот на Франција. Овде има неколку демонстранти, а се повикуваат и другите. Подготовките се во тек. Вечерва би можело да има случувања“, напишал Бухавс.
Откако по објавата пред театарот се собрала поголема група демонстранти безбедносните сили го евакуирале Макрон и соспругата.
Демонстраните се обиделе да влезат во театарот извикувајќи слогани против него. На социјалните мрежи се појавија и снимки на кои се гледа како извикуваат слогани „Макрон, поднеси оставка“.
Демонстраните од 5 декември се секојдневно на улиците на Париз и на поголемите градови во Франција протестирајќи против владиниот план за пензиска реформа во Франција.