Во резолуцијата поднесена од САД се бара брз крај на војната и се повикува на траен мир, но се користи помалку критичен јазик за руската инвазија на Украина, а Москва не се наведува како експлицитен агресор и извор на конфликтот. Во предлог-резулоцијата на ЕУ, пак, се зборува за „целосна инвазија на Украина од страна на Руската Федерација“ и се бара итно и безусловно повлекување на сите руски сили
Премиерот Христијан Мицкоски не даде конкретно образложение зошто земјава се одлучила да ја поддржи американската, а не предлог-резолуцијата која во исто време ја поднесе ЕУ на денот на кој се одбележува тригодишнината од руската инвазија
Македонија е коспонзор на нацрт-резолуцијата на Соединетите Американски Држави (САД) за Украина поднесена до Генералното собрание на Обединетите нации (ОН). Ова, одговарајќи на новинарски прашања на денешната прес-конференцијата во Владата, го потврди премиерот Христијан Мицкоски.
Премиерот не даде конкретно образложение зошто земјава се одлучила да ја поддржи американската, а не предлог-резолуцијата која во исто време ја поднесоа Европската Унија и Украина.
Во резолуцијата поднесена од САД се бара брз крај на војната и се повикува на траен мир, но се користи помалку критичен јазик за руската инвазија на Украина, а Москва не се наведува како експлицитен агресор и извор на конфликтот. Во предлог-резулоцијата на ЕУ, пак, се зборува за „целосна инвазија на Украина од страна на Руската Федерација“ и се бара итно и безусловно повлекување на сите руски сили.
Двете резолуции се очекува денеска да се најдат на Генералното собрание на ОН, на денот кога се одбележува тригодишнината од почетокот на руската инвазија на Украина.
Прашан зошто се одлучиле да ја поддржат американската, а не резолуцијата предложена од ЕУ, премиерот рече:
„Па, така одлучивме, дека ќе бидеме коспонзор на резолуцијата којашто ја поднесоа САД. Очекувам да таа биде поддржана од мнозинството во рамки на ОН.“