Мајката на лидерот на ВМРО-ДПМНЕ Христијан Мицкоски е позитивна на коронавирус и се наоѓа на домашно лекување, потврди денеска Мицкоски за време на посетата на Струмица.
Тој рече дека не се видел со неа подолго време поради ризикот на кој е изложен од средбите и разговорите со повеќе луѓе, но рече дека сите кои биле во контак со неа се во самоизолација.
„Ете и кај нас во семејството за жал ја почувствувавме директно оваа пандемија“,
изјави денеска Мицкоски.
Мицкоски пред извесно време помина 14 дена во самоизолација, откако по гостувањето во Канал 5 заедно со лидерот на СДСМ Зоран Заев беше потврдено дека новинарот Гоце Михајлоски е позитивен на коронавирус.