Претседателот на оваа земја најави дека ќе го извезува пијалокот бидејќи ова „зелено злато“ ќе ја смени „историјата на светот“
Министерката за образование на Мадагаскар, Ријасо Андриманана е сменета од функцијата откако најави дека на студентите ќе им купи слатки за да можат да го сузбијат „горчливиот вкус“ на чајот од пелин, за кој претседателот на оваа земја тврди дека е лек против коронавирусот.
Министерката Андриманана претходно изјави дека ќе нарача слатки во вредност од 2,2 милиона долари што ќе се земаат заедно со тоникот од пелин, за што експертите предупредуваат дека е бескорисен во борбата против ковид-19, пренесува „Гардијан“.
Со нејзината изјава таа директно му се спротивстави на претседателот Андри Рајоелина кој најави дека има намера да го извезува пијалокот, тврдејќи дека тоа е „зеленото злато на Мадагаскар“, кое ќе ја „промени историјата“.