Од МААЕ велат дека во информацијата за нападот добиена од иранските власти немало пријава за штети врз самиот објект ниту повредени меѓу персоналот
Проектил синоќа ја погодил нуклеарната централа „Бушер“ во Иран, соопшти Меѓународната агенција за атомска енергија (МААЕ).
Агенцијата, што е тело за контрола и безбедност на нуклеарната енергија на Обединетите нации, преку објава на платформата „Икс“ соопшти дека во информацијата за нападот добиена од иранските власти немало пријава за штети врз самиот објект ниту повредени меѓу персоналот.
The IAEA has been informed by Iran that a projectile hit the premises of the Bushehr NPP on Tuesday evening. No damage to the plant or injuries to staff reported. Director General @RafaelMGrossi reiterates call for maximum restraint during the conflict to prevent risk of a… pic.twitter.com/fhze0vOqrQ
— IAEA – International Atomic Energy Agency ⚛️ (@iaeaorg) March 18, 2026
Генералниот директор на МААЕ, Рафаел Гроси, повторно повика на „максимална воздржаност за време на конфликтот со цел да се спречи ризик од нуклеарна несреќа“, се наведува во објавата.
„Бушер“ е единствената нуклеарна централа во Иран, изградена по руски дизајн, сместена околу 1 200 километри јужно од Техеран, на брегот на Персискиот Залив. Отворена е од 2011 година.