Во меѓувреме, иранскиот амбасадор во Меѓународната агенција за атомска енергија Реза Наџафи, изјави дека за време на американските и израелските воени операции против Иран бил погоден големиот ирански нуклеарен комплекс Натанц
Меѓународната агенција за атомска енергија (МААЕ) денеска соопшти дека неодамна дошло до оштетување на влезните згради во иранската подземна нуклеарна централа во Натанц, додавајќи дека не очекува никакви радиолошки последици или дополнително влијание во самата постројка.
„Врз основа на најновите достапни сателитски снимки, МААЕ сега може да потврди некои неодамнешни штети на влезните згради на подземната иранска фабрика ФЕП во Натанц. Не се очекуваат радиолошки последици и не се откриени дополнителни влијанија врз самата ФЕП, која беше сериозно оштетена во конфликтот во јуни“,
соопшти МААЕ на социјалната мрежа Икс.
Based on the latest available satellite imagery, IAEA can now confirm some recent damage to entrance buildings of Iran’s underground Natanz Fuel Enrichment Plant (FEP). No radiological consequence expected and no additional impact detected at FEP itself, which was severely… pic.twitter.com/7CS7BRZo1s
— IAEA – International Atomic Energy Agency ⚛️ (@iaeaorg) March 3, 2026
Шефот на МААЕ, Рафаел Гроси, претходно изјави дека нема индиции за оштетување на иранските нуклеарни постројки.
„Немаме индиции дека некоја од нуклеарните постројки е оштетена или погодена“,
наведе тој и додаде дека МААЕ продолжува со обидите да стапи во контакт со иранскиот регулаторен орган за нуклеарна енергија преку Центарот за инциденти и вонредни состојби на МААЕ.
Во меѓувреме, иранскиот амбасадор во Меѓународната агенција за атомска енергија, Реза Наџафи, изјави дека за време на американските и израелските воени операции против Иран бил погоден големиот ирански нуклеарен комплекс Натанц.
„Повторно ги нападнаа иранските мирнодопски нуклеарни постројки кои се под меѓународен надзор“,
им рече Наџафи на новинарите на седницата на Управниот одбор на МААЕ, кој има 35 членки, пренесува Ал Арабија.