По пребројувањето на 99,7 отсто од електронските гласови, левичарскиот поранешен претседател Лула освои 48,4 отсто, додека актуелниот претседател Болсонаро 43,2 отсто
Бразил ќе добие претседател на 30 октомври, на вториот круг од изборите, откако вчера ниту еден од кандидатите не освои повеќе од 50 отсто од гласовите.
Луис Инасио Лула да Силва победи во првиот круг од претседателските избори во Бразил, а во вториот круг ќе се соочи со актуелниот претседател Жаир Болсонаро.
По пребројувањето на 99,7 отсто од електронските гласови, левичарскиот поранешен претседател Лула освои 48,4 отсто, додека десниот Болсонаро 43,2 отсто.
Бидејќи ниту еден кандидат не освои повеќе од 50 отсто од гласовите, Лула и Болсонаро како двајца најсилни кандидати ќе одат во вториот круг на 30 октомври.
Резултатот беше многу потесен од очекуваното бидејќи предизборните анкети покажаа дека Лула е далеку напред.
Ако Лула победи во вториот круг, тој ќе биде првиот бразилски демократски претседател кој влезе во трет мандат. Тој претходно беше претседател од 2003 до 2010 година.
Повеќе од 156 милиони луѓе имаа право да гласаат на изборите во неделата на кои беа избрани и гувернери, третина од сенаторите, како и федерални и 27 државни претставници.
Претходно, поранешниот претседател Жаир Болсонаро изрази сомнеж за изборниот систем и посочи дека можеби нема да ги признае резултатите од изборите.
Во нивната последна дебата пред изборите во недела, двајцата кандидати разменија обвинувања за корупција, а малку разговараа за предлозите за управување со јужноамериканската земја.