На повеќе места гореле стрништа, сува треба и жито, а на едно место горел кров на викенд-куќа. Гаснењето го отежнало тоа што тревата била висока поради претходните обилни врнежи
Противпожарните екипи успеале да ги локализираат неколкуте пожари кои беа активни во Кумановско и Липковско, информираше противпожарната бригада од Куманово.
Три екипи на противпожарната единица со три возила и единаесет пожарникари интервенираа на потегот помеѓу кумановските села Агино, Брзак, Романовце и скопското Дељадровце. Други екипи со две возила и петмина пожарникари гасеа пожар во атарот помеѓу липковско Лојане и кумановското Табановце.
„Во Агино, Брзак и Романовце гореше стрниште сува трева, жито, во Агино село беше зафатена и кровна конструкција на викенд куќа. Поради претходно обилни дождови тревата е висока и го отежна гасењето“,
изјави заменик командир на ТППЕ Куманово, Борис Станковски, пренесе МИА.
Во липковско Лојане и кумановско Табановце, пак, била зафатена сува трева и стрништа.