Од Националната алијанса за ретки болести пред три недели пратиле допис до Владата, од каде што, како што велат, им одговориле дека ќе бидат земени предвид како една од приоритетните групи за вакцинација, но без да дефинираат кога ќе биде тоа
Три недели подоцна, неколку приоритетни групи веќе се вакцинирани, но меѓу нив не се лицата со ретки болести
Лицата со ретки болести ќе бидат вакцинирани во следниот период кога во земјава ќе има поголема количина вакцини. Министерот за здравство Венко Филипче за МИА изјави дека во приоритетните листи биле ставени вработени во институциите и лица што ја менаџираат кризата, така што во следниот период и овие лица ќе бидат земени предвид.
„Веќе од следната недела ќе има навистина голема количина на вакцини на располагање. Затоа апелиравме и за трпение и за разбирање“,
вели Филипче.
Од Здружението „Живот со предизвици“ посочуваат дека ретките болести и родителите на децата со ретки болести се ставени како приоритет за вакцинација во повеќето европски земји.
„Затоа што се ранлива и критична група и европските пораки се дека тие треба да бидат во листата на приоритети. Значи, сепак, се работи за болести што се доживотни и животозагрозувачки и кај дел од нив е многу ризично со вирусот и не се знае што ќе биде, затоа и луѓето земаат одмори и боледувања и прават сѐ што можат но, нели, најдобро е да бидат вакцинирани и заштитени“,
велат од ова здружение.
Од Националната алијанса за ретки болести пред три недели пратиле допис до Владата, од каде што, како што велат, им одговориле дека ќе бидат земени предвид како една од приоритетните групи за вакцинација, но без да дефинираат кога ќе биде тоа.
Три недели подоцна, неколку приоритетни групи веќе се вакцинирани, но меѓу нив не се лицата со ретки болести.
Од Националната алијанса за лица со ретки болести споделуваат дека веќе повеќе од година, поради ситуацијата, седат изолирани и се чуваат, како што велат, веројатно трипати повеќе отколку генералната популација, баш од страв бидејќи не знаат што можат да очекуваат од вирусот.
„Бидејќи вакцините не се одобрени за деца, тогаш родителите да примат вакцини како лица што се грижат за тие пациенти. Возрасните пациенти, исто така, би сакале да си добијат вакцина за да бидат заштитени и баравме околу 2 000 дози да бидат обезбедени за нашата група“,
велат од оваа здружение.