Сертификатот може да се преземе кај матичниот лекар или со најава на веб-страницата vakcinacija.mk
Од денеска лицата што прележале ковид-19 може да си извадат сертификат, информираше Министерството за здравство.
Оваа можност е воведена преку националниот систем „Мој термин“ и потврдата може да ја извадат сите оние кои во последните 9 месеци биле позитивни на ковид-19.
„Сертификатот се издава за сите лица кои во последните 9 месеци биле позитивни на Sars-Cov-2 и се регистрирани како позитивни случаи во националниот систем. Сертификатот може да се преземе кај матичниот лекар или со најава на страницата vakcinacija.mk. Сертификатот е на македонски и англиски јазик, содржи податоци за лицето (име и презиме, ЕМБГ, ЕЗБО, датум на раѓање, пол), тип на тест, дата на тестирање, дата на позитивен резултат, здравствена установа (лабораторија) каде е направено тестирањето, како и кју-ар код“,
информираа од Министерството за здравство.