Шведскиот конзервативен лидер Кристерсон денеска беше избран за нов премиер со 176 гласа „за“ и 173 „против“. Неговите десничари при гласањето беа поддржани од екстремнодесничарските Шведски демократи што се случува по првпат
Улф Кристерсон, лидерот на шведската Умерена партија, освои доволно гласови во парламентот на земјата за иден премиер, јавуваат агенциите.
Шведскиот конзервативен лидер Кристерсон денеска беше избран за нов премиер со 176 гласа „за“ и 173 „против“. Неговите десничари при гласањето беа поддржани од екстремнодесничарските Шведски демократи што се случува по првпат.
Гласањето во шведскиот парламент ја потврди поддршката за Кристерсон од четири партии, меѓу кои се и Шведските демократи.
Екстремнодесничарската и антиимигрантски настроена партија, која сега е втора по големина во земјата, нема да биде дел од владиниот кабинет на Кристерсон, но ќе го поддржува во замена за спроведување на нејзините политики против криминалот и миграцијата.
Лидерот на шведската Умерена партија, Улф Кристерсон, во петокот соопшти дека се договорил со демохристијаните и либералите да формираат малцинска коалициска влада, во тесна соработка со Шведските демократи.
Кристерсон, како што е најавено, утре треба да го објави списокот на министри, по што ќе следува средба со кралот, по повод неговото официјално именување. Елизабет Свантесон, која беше портпарол на Умерената партија за економска политика во последните пет години, се очекува да стане следниот министер за финансии.
Една од првите задачи на владата на Кристерсон е да се договори за плановите за трошење за 2023 година, во време кога домаќинствата се притиснати од растот на цените, а одговорот на централната банка на инфлацијата е зголемување на трошоците за должници. Тоа нашироко се гледа дека води кон рецесија, при што Риксбанк во моментов проектира намалување на бруто-домашниот производ за 0,7 отсто следната година, наведува Блумберг.