Лидерот на левичарската партија Непокорна Франција, Жан Лук Меланшон е осуден на три месеци условна казна затвор.
Меланшон, кој е еден од најголемите политички противници на претседателот Емануел Макрон, беше обвинет со уште пет негови блиски соработници за „бунт и провокација“ при претресот на канцеларијата на неговата партија во октомври 2018 година.
Пресудата се совпадна со социјалното движење против реформата на пензискиот режим во Франција, на која се спротиставува партијата на Меланшон.
За време на судењето, тој тврдеше дека се работи за политички процес. Но, видео снимките од претресот на канцеларијата кои беа приложени како доказ влијаеа на процесот и на имиџот на партијата.