Во објави на социјалните мрежи лидерите на ЕУ изразија жалење и сочувство за жртвите во синоќешната несреќа
Лидерите на ЕУ во објави на социјалните мрежи изразија жалење и сочувство за жртвите во синоќешната несреќа на популарниот трамвај „Глорија“ во Лисабон, при што, според последните податоци, загинаа 15 лица, а 18 се повредени.
„Со длабока тага ја примив веста за сериозната трагична несреќа на ’Глорија’, која значи толку многу во мојот живот“,
објави претседателот на Европскиот совет, Антонио Кошта, на платформата Икс.
Having just landed in Paris, I received with deep sorrow the news of the severity of the tragic accident involving the Glória Funicular, which has meant so much in my life.
— António Costa (@eucopresident) September 3, 2025
My thoughts are with the victims, with their loved ones, and with the injured, to whom I wish a swift…
Тој во објавата изрази сочувство за несреќата до неговата матична држава Португалија и до градот Лисабон.
„Моите мисли се со жртвите, со нивните најблиски и со повредените, на кои им посакувам брзо закрепнување“,
додава Кошта.
Во објава, исто така, на Икс сочувство за жртвите изрази и претседателката на Европската комисија, Урсула фон дер Лајен.
„Со тага дознав за излетувањето од шините на познатата ’Глорија’. Им изразувам сочувство на семејствата на жртвите“,
наведе Фон дер Лајен.
É com tristeza que tomei conhecimento do descarrilamento do famoso “Elevador da Glória”.
— Ursula von der Leyen (@vonderleyen) September 3, 2025
Os meus sentimentos com as famílias das vítimas.
Длабока жалост поради трагичната загуба на животи во Лисабон изрази и високата претставничка на ЕУ за надворешни работи и безбедносна политика Каја Калас.
„Упатувам искрено сочувство за жртвите, нивните семејства и сите засегнати. Во овој трагичен момент изразуваме солидарност со народот на Португалија“,
додаде Калас на Икс.
Deeply saddened by the tragic loss of life in Lisbon following the Gloria funicular derailment.
— Kaja Kallas (@kajakallas) September 3, 2025
My heartfelt condolences go out to the victims, their families, and all those affected.
We stand in solidarity with the people of Portugal in this tragic moment.
Во вчерашната несреќа најмалку 15 лица загинаа, а речиси 20 се повредени кога еден од двата вагони на познатиот трамвај „Глорија“, една од главните атракции на Лисабон, излета од шините.
Портпаролот на службите за итни случаи изјави дека меѓу загинатите има и странски државјани, но не го соопшти идентитетот на жртвите ниту, пак, нивната националност, односно државите чии граѓани се тие.
Најмалку 18 луѓе, меѓу кои е и едно дете, според португалските власти, се повредени во несреќата, од кои кај пет се констатирани сериозни повреди.
Од снимките на местото на настанот може се види како жолто-белиот вагон од фуникуларот познат како „Елевадор да Глорија“, кој е превозно средство што се искачува и спушта по стрмен рид во центарот на Лисабон, заедно со уште еден кој оди во спротивна насока, лежи настрана во тесната улица по која поминува.
Денеска во Португалија е Ден на национална жалост.