Кандидатот за градоначалник на Општина Аеродром од Левица, Марјан Димитриев, соопшти дека пешачката зона ќе се направи на кејот на Вардар зад „Три бисери“, на местото каде што сега има запуштено и нефункционално зеленило што со години не се одржува, а во летниот период се претвора, како што додаде, во вистински змијарник
Левица – Аеродром го најавува проектот „Аеродромска чаршија“, односно изградба на модерна пешачка зона покрај кејот на реката Вардар, зад трговскиот центар „Три бисери“.
Кандидатот за градоначалник на Општина Аеродром од Левица, Марјан Димитриев, соопшти дека пешачката зона ќе се направи на кејот на Вардар зад „Три бисери“, на местото каде што сега има запуштено и нефункционално зеленило што со години не се одржува, а во летниот период се претвора, како што додаде, во вистински змијарник.
„Со проектот ‘Аеродромска чаршија‘ ова запуштено подрачје ќе се претвори во уреден простор за шетање, дружење и одмор. Ќе посадиме дрвореди, ќе поставиме нова урбана опрема, клупи, осветлување, што ќе му даде нов живот на овој дел“,
вели Димитриев.
Според него, во состав на Чаршијата ќе бидат изградени мали комерцијални објекти, како уметнички ателјеа, занаетчиски работилници, кафулиња, инфо-центар и бина за мини концерти на отворено.
„Тоа ќе биде место каде уметноста, културата и локалната економија ќе оживеат заедно“,
рече кандидатот за градоначалник на Аеродром од Левица.
„Аеродромска чаршија“, како што вели, ќе биде ново општинско економско јадро, што ќе стане симбол на современ, културен и зелен Аеродром.