По дојава за поставена бомба во Бољшој Театар во Москва, беа евакуирани најмалку 350 лица, но подоцна се утврди дека станува збор за лажна закана.
„Заканата за бомба во московскиот Бољшој театар била лажна“,
изјави извор од полицијата, откако беше извршен увид во објектот, пренесува Тасс.
При увидот не е откриена ниту експлозивна направа, ниту експлозивни материи во зградата на и неговата околина.
Портпаролката на Бољошој театарот, Катерина Новикова, претходно денеска изјави дека околу 350 луѓе биле евакуирани од тој театар, откако била добиена анонимна закана за поставена бомба.
Експерти за итни случаи и кучиња трагачи се испратени на местото на настанот, а извор од полицијата за Тасс изјави дека околу 500 лица биле евакуирани.