Од друга страна, шефот на руската дипломатија рече дека Москва е подготвена решително да одговори доколку е соочена со каков било вид агресија
Русија никогаш немала и нема намера да ги напаѓа европските или земјите од НАТО – порача рускиот министер за надворешни работи Сергеј Лавров во говорот пред Генералното собрание на Обединетите нации (ОН) на Њујорк.
Од друга страна, Лавров рече дека Русија е подготвена решително да одговори доколку е соочена со каков било вид агресија, додавајќи дека Москва е таа што се соочува со закани.
Обраќањето на шефот на руската дипломатија следува откако НАТО неодамна евидентира неовластени летови на беспилотни летала над својата територија во дел од земјите во северна Европа. Авионите на Алијансата соборија беспилотни летала над Полска, а Естонија соопшти дека руски борбени авиони влегле во нејзиниот воздушен простор, задржувајќи се повеќе од десет минути.
По обвинувањата на вмешаност во инцидентите, Москва негираше дека нејзини авиони влегле во воздушниот простор на Естонија и ги отфрли обвинувањата во врска со беспилотните летала.
Европските лидери, пак, на инцидентите гледаат како на намерни и провокативни потези со цел да се изнуди реакција од НАТО и да се види потенцијалниот одговор на Алијансата.