Министерот за надворешни работи на Украина, Дмитро Кулеба, денеска изјави дека Германија и Франција направиле стратегиска грешка што не ѝ дозволиле на Украина да влезе во НАТО во 2008 година.
„Да бевме членка на НАТО, оваа војна немаше да се случи. Стратегиска грешка беше направена во 2008 година од страна на Германија и Франција, кои ги отфрлија напорите на САД и другите сојузници да ја внесат Украина во Алијансата“,
изјави Кулеба за американската мрежа Ен-би-си.
Тој додаде дека цената на таа грешка сега не ја плаќаат Германија и Франција туку Украина.