Дваесетгодишниот Ј.Ш. од Гостивар заработи кривична пријава за дело уцена. Како што информира полицијата тој уценувал девојка дека ќе објави нејзини експлицитни фотографии доколку таа не му даде пари.
Делото го извршувал во период од 1 август до 2 декември минатата година.
„Уценувал 22-годишна жителка на гостиварско село дека ќе објави фотографии со експлицитна содржина, за што во неколку наврати на оштетената ѝ земал околу 70 000 денари и златен накит“,
велат од МВР.