Во последните 24 часа се направени 3 101 тестирање, а регистрирани се 143 нови случаи на ковид-19, информира Министерството за здравство. Најмногу нови случаи има во Скопје – 79, па слудуваат Гостивар – 16, Кичево – 12, Дебар – 8, Куманово – 7, Тетово и Струга – по 6, Радовиш – 3, Струмица – 2, Кавадарци, Крива Паланка, Берово и Македонски Брод – по 1.
Регистрирани сe 32 оздравени пациенти од кои во Дебар – 9, Скопје – 8, Тетово – 5, Гостивар – 3, Свети Николе и Пехчево – по 2, Кавадарци, Битола и Гевгелија по 1. Пријавени се 2 починати лица од Тетово (31г. и 70г.) во болнички услови.
Досега во земјата се направени вкупно 1 022 293 тестирања на ковид-19. Вкупната бројка на ковид-дијагностицирани лица во нашата земја од почетокот на епидемијата изнесува 158 164 бројката на оздравени пациенти е 150 556, на починати е 5 509, а бројот на активни случаи изнесува 2 099.