Во Скопје со 166 активни случаи и Куманово со 138 се 53% од болните во овој момент во државава
Дури 87% од вкупно 572 лица кои во моментов се активно болни од ковид-19 во земјава се лоцирани во само пет града: Скопје, Куманово, Прилеп, Тетово и Велес.
Во бројки – апсолутни и во проценти: во Скопје во моментов има 166 лица кои се уште се болни или 29% од вкупниот број активно болни во земјава; во Куманово болни се 138 лица што е еквивалентно на 24% од заразените во Македонија; Во Прилеп – 94 лица се водат за активно болни или 16,5% од вкупниот број во државава; во Тетово и во Велес има по 50 болни во моментов или по 8,5% од сите заразени во земјава.
Во овие пет града и нивните околини има вкупно 498 активни болни во овој момент. Здравствените власти денеска соопштија дека во шест града веќе нема активни случаи. Меѓу нив е и Дебар, кој беше прво жариште на новиот коронавирус во Северна Македонија.