Ковид-19: Скопје и Тетово со речиси ист број активни случаи, во половина од општините нема заболени

Вкупно 301 граѓанин во земјава во моментов се водат како активно болни од ковид-19, покажуваат последните бројки на Министерството за здравство.

Најголем дел од активните случаи – 105 се во Скопје. Блиску до бројот на активно болни во главниот град е и Тетово каде има 97 активни случаи. Двоцифрен број на заболени има и во Куманово – 32 и Гостивар – 21.

Здравство: Заразените со ковид-19 во Тетово се од два познати кластери, некои ги кријат контактите

Во другите општини бројот на заболени е едноцифрен, а во петнаесетина градови нема ниту еден активен случај .

Според последните статистики на Министерството за здравство, состојбата со вкупниот број на случаи кои досега се регистрирани и бројот на активно болни од ковид-19, по градови е следна:

Вкупно заболени:         Активни случаи:

Скопје 68806                 105
Куманово 8913               32
Прилеп 8334                    7
Тетово 7377                   97
Битола 6311                     1
Велес 5478                       4
Гостивар  5204               21
Кавадарци 5156               1
Охрид  5025                      6
Штип 4964                         4
Струмица 4130                  5
Струга 2985                        4
Кочани 2796                      4
Кичево 2607                     8
Гевгелија 2196                  1
Неготино 2184                 0
Свети Николе 1526           1
Ресен 1234                         0
Крива Паланка 1227          0
Радовиш 1162                    1
Берово 1032                       0
Делчево 974                       1
Дебар 949                           7
Виница 886                         0
Пробиштип 789                  0
Валандово 667                    0
Богданци 494                       0
Крушево 490                        0
Демир Хисар 400                 0
Демир Капија 396                0
Кратово 377                         0
Македонски Брод 359         0
Пехчево 269                         0
Македонска
Каменица  249                     0
Дојран 132                           0

Вкупната бројка на ковид-дијагностицирани лица во нашата земја од почетокот на епидемијата изнесува 156 078. Од нив, 150 276 лица се водат како оздравени, додека 5 489 се починати.