Бројот на приеми во изминативе денови е стабилен и утрово до 8 часот имало 159 слободни места, велат од МЗ
Во изминатите 24 часа во ковид- центрите во Скопје се хоспитализирани 23 нови пациенти поради компликации од коронавирусот, соопшти Министерството за здравство.
Со тоа, вкупно 279 лица сомнителни и потврдени за ковид -19 се лекуваат на инфективните оддели во главниот град. Вчера оваа бројка беше 300 лица.
Од новите приеми во изминатото деноноќие, осум се на интерните клиники, во ковид- центарот во ГОБ „8 Септември“ седум нови пациенти, а на Инфективната клиника осум.
Во изминатите 24 часа дома се пуштени 29 оздравени пациенти.
Во моментов на Кожната клиника во ковид – центарот се лекуваат 16 пациенти, на Клиниката за неврологија 19, а на Институтот за ТБЦ се примени вкупно 12 пациенти со симтоми на коронавирусот, во ковид- центарот на Клиниката за нефрологија во моментов се сместени 13 пациенти.
На Клиниката за очни болести има 4 пациенти, на ОРЛ 13 и на Клиниката за Гастроентерохепатологија 22 пациенти.
Во ГОБ „8 Септември“ има вкупно 85 хоспитализирани, а на Клиниката за инфективни болести 77 пациенти, додека во Иститутот за белодробни заболувања кај деца Козле има 18 пациенти.
Голем дел од пациентите се на кислородна поддршка.
Бројот на приеми во изминативе денови е стабилен и утрово до 8 часот имало 159 слободни места, а се очекува во тек на денот по направените исписи на оздравените пациенти да се ослободат и дополнителни места.