„Треба да се учи од грешките од минатото и да не се повторуваат. Таа казна на 24 април ни беше испорачана на нас, но не и на идејата за европска Македонија. Тоа што нема да прифатам се критиките од ВМРО-ДПМНЕ и Христијан Мицкоски, ученикот на Никола Груевски. Тоа што тој и неговата кандидатка за претседател Силјановска се обидуваат повторно да ја саботираат иднината на државата, значи дека ништо во ВМРО-ДПМНЕ се нема променето во изминатиот период“, рече лидерот на СДСМ и носител на листата во ИЕ1
СДСМ е силна партија и во победи и во порази и во тешки и во полесни времиња. Јасно и гласно да им порачаме на нашите политички противници, но и на оние кои се меѓу нас, а се ујдисале со нашите политички противници. Немојте да помислите дека ќе се откажеме.
Ова вечерва од Кочани го порача лидерот на СДСМ Димитар Ковачевски, посочувајќи дека на него и на неговите најблиски соработници им е јасно дека меѓу граѓаните постои незадоволство од како што рече, некои нивни политики, но и од поединци кои партијата ја искористиле за лична корист.
„Треба да се учи од грешките од минатото и да не се повторуваат. Таа казна на 24 април ни беше испорачана на нас, но не и на идејата за европска Македонија. Тоа што нема да прифатам се критиките од ВМРО-ДПМНЕ и Христијан Мицкоски, ученикот на Никола Груевски. Тоа што тој и неговата кандидатка за претседател Силјановска се обидуваат повторно да ја саботираат иднината на државата, значи дека ништо во ВМРО-ДПМНЕ се нема променето во изминатиот период“,
рече тој.
Според него, СДСМ е обединета и силна партија која секогаш била на браникот на татковината.
„Оваа партија, на чело со Киро Глигоров, ја внесе Македонија во Обединетите нации. Со СДСМ, Македонија во 2005 стана земја – кандидат за членство во ЕУ. СДСМ, заедно со вас граѓаните го сруши режимот на ВМРО, режим кој 11 години ја блокираше нашата европска иднина. СДСМ и граѓаните се заслужни што Македонија стана рамноправна членка на НАТО, а СДСМ и коалиционите партнери се исто така единствено заслужни што Македонија пред две години ги започна преговорите со ЕУ. Сите овие беа тешки, но правилни одлуки за Македонија. Не се откажавме ни тогаш и нема да се откажеме и сега“,
вели Ковачевски.
Според него, СДСМ мора да биде силна во Собранието, мора да имаат пратеници кои ќе водат битка со ВМРО-ДПМНЕ за поголема институционална моќ.
„Ги знаеме какви се. Тие ќе ја одложуваат евроинтеграцијата во недоглед. ВМРО немаат ниту план, ниту издржана програма, ниту пак се доследни во остварувањето на стратешките цели на државата. Така правеше и Груевски, а тие само ќе продолжат кај што застана тој. Немајте дилема дека ништо во оваа земја нема да се помести ни милиметар напред со ВМРО. Ги знаеме дека се добри глумци. Ќе глумат дека работат, а во реалноста нема ништо да се смени. Го гледавме тоа со Груевски 11 години, знаеме како изгледа. Последно нешто што сакаме е лоша и евтина реприза на неговото владеење“,
рече тој.
Ковачевски посочи дека изминатиот период во јавноста биле кажани опасни наративи, кои според него, можат да го разгорат огнот на меѓуетничката нетрпеливост. Смета дела лидерите на ВМРО и на ДУИ, но и претседателскиот кандидат Силјановска-Давкова се однесуваат неодговорно и кон државата и кон граѓаните. Затоа, им порача на присутните дека мора да направат нешто за да го спречат тоа што може, како што додаде, скапо да се плати.
„Користам прилика да им порачам и на Мицкоски и на Ахмети и на Давкова – граѓаните се свесни за вредноста на мирот и стабилноста што ги гради СДСМ. Граѓаните знаат дека на сите нѝ треба европска иднина, а не враќање 20 години во закопаното минато. Престанете со препукувањата, со скандирањата и заканите. Тие никому не му носат добро. Имаме морална должност кон вас, кон себе си, кон нашите деца и идни генерации, да се ‘препукуваме’ со идеи и проекти, не со закани и заплашувања. Нашите гласачи очекуваат издржани решенија и активности, не скандирања, навреди и недостоинствен однос“,
порача Ковачевски.