Македонската репрезентација тргна за Порто каде што во вторник со почеток од 20.45 часот ќе игра против Португалија за пласман на Светското првенство во Катар 2022. Денеска играчите претпладне имаа затворен тренинг да се направат последните тактички замисли пред спектаклот на стадионот „Драгао“.
Репрезентативците на патувањето беа испратени од премиерот Димитар Ковачевски и вицепремиерот Артан Груби, кои им посакаа среќа на избраниците на селекторот Благоја Милевски.
Премиерот Ковачевски им вети премија од 500 000 илјади евра доколку триумфираат над Португалија и на тој начин се пласираат на Мундијалот.