Бројот на починати од коронавирусот се зголеми на 305, а регистриран е и првиот смртен случај надвор од Кина – на Филипините, каде што почина кинески државјанин (44) од Вухан, од тешко воспаление на белите дробови.
Според информациите што ги пренесува Би-би-си, тој најверојатно се заразил со вирусот пред да пристигне на Филипините, бидејќи претходно бил во провинцијата Хубеи, каде и се појави коронавирусот. И тој, како и најголем број од другите починати од вирусот, имал историја на други заболувања.
Појавата на вирусот е потврдена во повеќе од 25 земји во светот, а бројот на заразени се зголеми на 14.300, пренесува Си-ен-ен.
Голем број земји организираа авионски превоз за враќање на своите граѓани кои се наоѓаа во областите каде што се појави вирусот, а се воведуваат и други превентивни мерки, како што се двонеделен карантин и забрана за летови кон Кина.
Кинескиот премиер Ли Кечијанг ги повика производителите да го зголемат производството на медицинска опрема потребна за контрола на вирусот и предупреди дека продавниците не смеат да бидат затворани.
Најголем број починати и заразени има во провинцијата Хубеи и главниот град Вухан, каде што се појави вирусот.
*Поврзана вест: