„Ќе се прошири пазарот не само за вас, туку и за другите 27 членки на ЕУ. Повеќе царински олеснувања, подобра гранична инфраструктура, интегрирање на системот за регистрација на компаниите е сè она што може значително да го намали трошокот на трговијата. Имаме ресурси, сакаме да ви помогнеме за да се реализира сето ова“, рече генералниот директор за соседство и преговори за проширување во Европската комисија
Планот за раст на Западен Балкан ќе го промени регионот. Тој може да ја реши конвергентноста во регионот, со што ќе се забрза придвижувањето кон ЕУ, а со тоа ќе се забрза процесот за пристапување кон неа, рече генералниот директор за соседство и преговори за проширување во Европската комисија Герт Јан Копман во обраќање на денешниот лидерски состанок посветен на Планот за раст на Западен Балкан.
„Охрабрен сум од работата што досега Северна Македонија ја има сработено од агендата за реформи. Вашите преговарачи со нашите тимови напредуваат многу и ова не помина незабележано во ЕУ. Денес го гледаме заедничкиот регионален план во рамките на Планот за раст и сметаме дека тоа е клучно за поттикнување на растот, но и на зголемување на економијата. Токму пазарот е оној што е битен. Често го споменувам и фактот дека со пристапувањето во ЕУ, трговиите растат веднаш по пристапувањето во ЕУ. Ние сме тука да ви помогнеме“,
рече Герт Јан Копман.
Поттикнат од работата што досега Северна Македонија ја има постигнато, Копман смета дека Планот за раст може потенцијално да го промени регионот, но може и да го забрза процесот на пристапување кон Европската Унија.
„Ние ќе ви помогнеме да се интегрирате меѓу себе, додека се интегрирате на внатрешниот пазар. Без интеграција во регионот, вие не може да ги искористете придобивките од внатрешниот пазар. Затоа овие две работи мора да одат рака под рака. Затоа воведовме услов во овој дел од Планот за раст. Вие не треба да ги блокирате вашите соседи. Сакаме да дојдете со нас. Може да се блокирате самите себе. Ако не ги блокирате вашите соседи, ќе ве примиме. Но, ако ги блокирате соседите, нема да биде можен пристапот до внатрешниот пазар. Заедничкиот трошок од несоработката е многу висок. А потенцијалот е огромен. Зоната за единствено плаќање во ЕУ може да донесе многу пари. Тоа е слично со визната либерализација. Тоа е многу материјално опипливо. Целиот синџир на набавки кој регионот може да го изгради меѓу себе ќе биде составен дел на внатрешниот пазар. Тоа се сериозни заштеди. А ќе биде поттик и за странските инвестиции. Постојните зелени ленти заштидиле 20 години време во чекање. Сето тоа треба значително да го намали трошокот на трговијата“,
вели тој.
Според него, овој дел од планот за раст им нуди придобивки и на постојните 27 земји членки на ЕУ.
„Ќе се прошири пазарот не само за вас, туку и за другите 27 членки на ЕУ. Повеќе царински олеснувања, подобра гранична инфраструктура, интегрирање на системот за регистрација на компаниите е сè она што може значително да го намали трошокот на трговијата. Имаме ресурси, сакаме да ви помогнеме за да се реализира сето ова“,
рече Копман.