Комисијата за заразни болести утре повторно ќе анализира дали има услови за олабавување на мерките

Комисијата за заразни болести утре треба да излезе со нови препораки до Владата во однос на мерките за заштита од коронавирусот, за кои вчера препорача да не се олабавуваат засега.

Здравствените власти, како што е најавено, препораките ќе ги донесат врз основа на статистиката од последните два дена (денеска и утре) за состојбата со епидемијата.

Во последното деноноќие, како што беше соопштено денеска, се регистрирани 20 нови случаи на ковид-19 или 16 помалку во однос на вчера, но помал е и бројот на тестирања.

„Трендот на нови случаи со ковид-19 во следните два дена ќе биде разгледуван на состанокот на Комисијата за заразни болести в понеделник, по што ќе бидат дадени нови препораки до Владата за понатамошно постапување во однос на мерките“,

соопштија вчера од Министерството за здравство, во информацијата дека засега ѝ се препорачува на Владата да останата во сила досегашните мерки за заштита од коронавирусот.

Здравствените власти засега не препорачуваат олеснување на мерките за заштита од ковид-19