Триесет и двегодишниот В.Ѓ. заработи кривична пријава поради насилство кон вработени во маркет во Кочани. В.Ѓ. на 28 април влегол во маркетот, а откако вработената му укажала дека не може да биде внатре без заштитна маска, тој почнал да ја навредува.
Потоа, друг вработен во маркетот со иницијали В.С. му укажал на муштеријата да го напушти маркетот штом нема заштитна маска, по што пријавениот физички го нападнал.
„На 28.4.2020 пријавениот влегол во маркет каде што од вработената му било укажано дека треба да носи заштитна маска. Тој почнал да ѝ упатува закани, а кога другиот вработен В.С. му рекол да го напушти маркетот, В.Ѓ. физички го нападнал користејќи и тврд предмет“,
се вели во полицискиот билтен.