Здравствената состојба на осуденикот Сеад Кочан не била од таков карактер за тој да има потреба од болничко лекување, информира Министерството за здравство.
„На барање на Кривичниот суд, ние инициравме и Комисија која ја ревидираше медицинската документација на приватната болница за пациентот. Од стручниот увид во медицинската документација беше утврдено дека пациентот нема апсолутна индикација за болничко лекување“
велат од Министерството.
Сеад Кочан доцна синоќа на барање на судот беше приведен и пренесен во затворот во Идризово. Тој беше сместен во приватна болница, и Судот пред да ја донесе одлуката ја побара документација од болницата за здравствената состојба на осудениот бизнисмен.
Таму ќа ја издржува затворската казна од 4 години и 8 месеци на која беше осуден за лажирање документација за учество на тендер на државната компанија ЕЛЕМ (сега ЕСМ) во вредност од 17 милиони евра.