Според градоначалникот на главниот украински град, погодени се неколку куќи и еден од трговските центри во Подол, историски кварт на Киев; Западните медиуми напоменуваат дека не можат независно да ја потврдат оваа информација
Најмалку едно лице загина кога вечерва беа погодени неколку станбени објекти и трговски центар при гранатирање на Подол, историски кварт на Киев, изјави градоначалникот на украинскиот главен град, Виталиј Кличко.
Тој истакна дека во Подол одекнале неколку експлозии.
„Според информациите што ги имаме во моментов, погодени се неколку куќи и еден од трговските центри“,
објави Кличко на Телеграм.
Тој додаде дека на местото на нападот пристигнале спасувачки екипи, медицински работници и полиција. Пожарникарски екипи го гаснат големиот пожар во трговскиот пожар.
На Твитер се појави видео снимка од наводното гранатирање вечерва на Киев.
Западните медиуми напоменуваат дека не можат независно да ја потврдат оваа информација.
⚡️The video from a security camera of the Retroville shopping mall in Kyiv allegedly shows the recent attack in the capital's Podil district.
— The Kyiv Independent (@KyivIndependent) March 20, 2022
Video: Proof of war in Ukraine/Telegram pic.twitter.com/6vTiQKhXOW