„Не верувајте на лаги. Верувајте на информациите само од службени извори“, порача градоначалникот на престолнината на Украина, Виталиј Кличко. Претходно, „Асошиејтед прес“ објави дека Киев е опколен, но, спремен за борба. Но, неговиот портпарол рече дека Кличко е лошо интерпретиран и дека таа информација е лага и манипулација. Британски „Гардијан“ пренесува дека и самиот Кличко изјавил дека информациите дека Киев е опколен се лажни.
„Руските медиуми ширеа информации за мене, дека Киев е опколен и дека евакуацијата на луѓето е невозможна. Не верувајте во лаги, верувајте само во информации од службени извори“,
рече тој.