Членките на СТО треба да се обединат против унилатерализмот, протекционизмот и тактиките на заплашување, рече Ванг, соопшти кинеското министерство за трговија
Кинескиот министер за трговија Ванг Вентао изјави дека континуираното воведување царини од страна на Соединетите Американски Држави може да предизвика голема штета на земјите во развој, па дури и хуманитарна криза.
„Решителните контрамерки на Кина се насочени кон заштита на легитимните права и интереси, но исто така и кон заштита на праведноста и правдата во меѓународната заедница“,
рече Ванг за време на видеоразговор со генералниот директор на Светската трговска организација, Нгози Оконџо-Ивеала.
Членките на СТО треба да се обединат против унилатерализмот, протекционизмот и тактиките на заплашување, рече Ванг, соопшти кинеското министерство за трговија.
Тој додаде дека земјите со најниско ниво на развој го носат најголемиот ризик поради американските царини.
Одделно од тој разговор, Ванг оствари и видеоповик со бразилскиот министер за развој, индустрија, надворешна трговија и услуги, Џералдо Алкмин. Двајцата претставници разменија мислења за зајакнување на економската и трговската соработка меѓу Кина и Бразил и за одговорот на царините наметнати од САД, се вели во соопштението на министерството.