Поранешниот директор на Интерпол, Менг Хонгвеј, денеска е осуден на 13,5 години затвор поради земање мито.
Пресудата за Менг е изречена во судот во Тјанчин, Северна Кина. Тој во јули минатата година призна вина.
Менг е во групата кадри на Комунистичката партија уапсени во кампањата против корупција, за која критичарите велат дека служи како начин да се отстранат политичките непријатели на претседателот Си Ѓинпинг.
Интерпол кон крајот на 2018 година соопшти дека Менг поднел оставка од функцијата шеф на светската полициска агенција со седиште во Париз, неколку дена откако неговата сопруга пријави дека тој отпатувал за Кина.
Менг (64) исчезна во септември 2018 година за време на посета на Кина. Извесен период се шпекулираше дека е киднапиран, а можеби и убиен. Интерпол на 7 октомври објави дека тој поднел оставка на функцијата шеф на Интерпол и еден ден подоцна Министерството за јавна безбедност објави дека е под истрага за примање мито. Неговата сопруга објави пораки од него, кои укажуваа дека е задржан не по своја волја. Подоцна тој беше обвинет за примање мито и беше исклучен е од Комунистичката партија.
Грејс Менг и седумгодишните близнаци од јануари лани живеат во Лион каде што е седиштето на меѓународната полициска агенција. Тие се под полициска заштита бидејќи примале закани.
„Примив чудни телефонски повици. Автомобилот ми е оштетен. Двајца Кинези, маж и жена, ме следеа до хотелот“, изјави Менг за француско радио.
Менг беше избран за шеф на Интерпол кон крајот на 2016 година.