Зборувајќи за различностите и солидарноста, Келин ги потсети македонските парламентарци на швајцарското неофицијално мото кое стои запишано во централниот дел на куполата на тамошниот парламент, а кое гласи – „Еден за сите, сите за еден“
„Дури и да не се согласуваме за некои фактички прашања и да се расправаме за тоа кој е најдобриот развоен пат за нашата држава, никогаш не смееме да ги заборавиме нашите основни заеднички вредности – демократија, правда, мир и човекови права. Нека овие вредности секогаш бидат наш политички компас, и денес и утре“, порача Келин пред пратениците и гостите во законодавниот дом на С Македонија
Сега повеќе од било кога претходно клучно е да се унапредат и бранат демократските принципи и единството. Во февруари сите добивме многу болно потсетување колку ранливи се демократската рамнотежа и мирот во Европа, истакна претседателката на Националниот совет на Федералниот парламент Ирене Келин во своето обраќање денеска пред пратениците во Собранието на С Македонија.
„Претседателот Талат Џафери и јас се сретнавме под тешки околности, во април заедно отпатуваме во Киев за да ја покажеме нашата солидарност кон украинскиот парламент и народот на Украина. Многу добро се сеќавам на зборовите на претседателот на Врховната Рада кој кажа дека ние парламентарците сме избрани од народот, кога ние разговараме тоа е како граѓаните на нашите држави да разговараат меѓусебе. Токму овој дијалог придонесува за зајакнување на демократијата и довербата“,
рече Келин на почетокот на своето излагање.
Таа нагласи дека парламентите на двете земји споделуваат силни врски и дека С Македонија не само што е приоритетна држава за Швајцарија за развој на демократското управување, економскиот развој и создавање на нови работни места туку и парламентарната соработка е на многу високо ниво.
Потсетувајќи на одличните односи, Келин истакна земјава со силната посветеност на демократијата, интеграцијата и мирот испраќа важна порака до регионот и пошироко и дека сега од било кога претходно е клучно да се унапредат и бранат демократските принципи и единството.
„Во февруари сите добивме многу болно потсетување колку ранливи се демократската рамнотежа и мирот во Европа. Претседателот Џафери и јас бевме сведоци од прва рака на болката на жителите на Киев чии животи се променија толку ненадејно и толку драматично . Сепак бевме сведоци на надежта храброста и одлучноста на нашите браќа и сестри во Украина да ја обноват својата држава и да се борат за слобода правда и демократија. Овие средби ме натераат да размислам како парламентарец, но и како човек за нашите вредности“,
посочи таа.
Келин истакна дека демократијата не е цел сама по себе, туку е систем кој на сите им дава глас и можности, систем кој е од корист на мнозинството исто толку колку што ги штити малцинствата.
„Потребно е секој од нас да се вложи за да ја одржиме демократијата во живот. Демократијата ги обезбедува основните права, демократијата обезбедува услови за заеднички живот и воспоставување на правна сигурност, тоа е систем основан на учество, дијалог и компромис, заснован на мислењата на мнозинството и малцинствата, меѓу мнозинскиот и малцинскиот идентитет“,
рече претседателката на Националниот совет на Федералниот парламент на Швајцарија.
Зборувајќи за различностите и солидарноста Келин ги потсети македонските парламентарци на Швајцарското неофицијално мото, кое стои запишано во централниот дел на куполата на тамошниот парламент, а кое гласи“ Еден за сите, сите за еден.
Таа истакна дека принудата не е она што го одржува сојузот туку волјата и меѓусебната доверба.
„Кога ќе размислиме подлабоко темелот на демократијата навистина зависи од стекнувањето и одржувањето на довербата на граѓаните. Демократијата се темели на довербата и почитта на народот кон институциите. Како избрани пратеници сакам ова доверба и почит да расте, за тоа наша должност е да ги гарантираме системот на контрола и на владата и на судството“,
порача Келин.
Таа додаде дека швајцарската директна демократија им овозможува на граѓаните да учествуваат носењето одлуки преку референдуми и посочи дека директното учество на граѓаните е во сржта на швајцарскиот систем.
На тој начин, како што потенцираше луѓето можат да ја изразат својата согласност со политичките одлуки донесени од владата и парламентот или „уште поважно да го изразат нивното несогласување и критика“.
„Незадоволството и критиката се исто така дел од нашата демократија. Тие се знак за здрава држава, тие се знак да бараме други решенија, решенија кои им овозможуваат на што повеќе луѓе добро и од кои што помалку луѓе се незадоволни. Наоѓањето на овие решенија најчесто подразбира компромис. На тој начин може да се земат повеќе аспекти и интереси. Сепак колку на некому и да му изгледа дека компромисот одзема многу време, па дури и да е незадоволителен тоа е најдобриот начин да се обезбеди хармонија и стабилност“,
рече Келин.
Претседателката на Националниот совет на Федералниот парламент на Швајцарија укажа дека во овие тешки времиња кога се чини дека се втурнуваме од една во друга криза, а политичкиот консензус се покажува потежок за постигнување поважно од било кога е да се зачува просторот за дијалог и да се најде тој консензус.
„Дури и да не се согласуваме за некои фактички прашања и да се расправаме за тоа кој е најдобриот развоен пат за нашата држава, никогаш не смееме да ги заборавиме нашите основни заеднички вредности – демократија, правда, мир и човекови права. Нека овие вредности секогаш бидат наш политички компас, и денес и утре“,
порача Келин пред пратениците и гостите во законодавниот дом на С Македонија.
Претседателката на Националниот совет на Федералниот парламент на Швајцарија беше пречекана од претседателот на Собранието Талат Џафери со највисоки државни почести пред Собранието по што двајцата имаа билатерална средба.